From: Ashish Bokil Aaankhon ke saamne tasveeren jal rahi thhee .. aur main Us aag ki tapish bhee mehsoos na kar sakaa. Sirf chaaron Or uDati chingaariyon se ehsaas ho rahaa thhaa ki aag maujood hai ... Tasveeren bhee saaf nazar nahee aa rahi thhee .. unmain halkaa saa rang ubhar hi to rahaa thhaa phir wah itni apni si kyon lagne lagi thhee??... subah ke sannate main vasant ki koploN se ladaa huaa Gulmohar thodi si hawaa main bhee machal uthhataa thhaa magar phir bhee pheekaa saa thhaa. ... apne pairon ke chalane ki awaaz tak kaanon main anchaahaa shor paidaa kar rahi thhee .. aur ye Os ki boonden pairon par.... ?? nahee.. Os ki boonden itni badi naheen ho sakti .. chalate chalate aankhon se do boonden nikal padi aur pairon tak pahunch gayi .... magar ye boonden bhee us sulagan ko shaant naa kar saki jo qadam dar qadam baDthi jaa rahi thhee ... Palakon ke parde par manzar badaltaa rahaa,... yaaden ek ke baad ek roobaroo hoti raheeN.. har baat Jehan pe chahal Qadmi karti rahi ... dheere dheere Tapish bhee mehsoos hone lagi .. Baaton hi baaton main ek aisaa unsochaa bandhan bandh gayaa jise man na soch paayaa na samajh paayaa .. Binaa ijaazat koi dil main shaamil huaa aur anjaane hi Qured kar baahar nikal gayaa... dono hi anjaan thhey.. shayad is baat se bilkul bekhabar magar zakhm apni jagah maujood thhey .. us anjaan maujoodgi ke gawaah jo mehsoos bhee hui to sab kuchh kho dene ke baad .. --- Yaheen wah tasveeren jal raheeN thhee. Qusoor to huaa ... magar Qusoorwaar koi nahee..! naaraaz bhee hoN... to kispar ... Jeenaa bhee hai magar kaheen kuchh khatak rahaa hai ... Ye kyon huaa?? .... ye kaise huaa ..??. sawaal bahut saare hain ... jawaab koi nahee ..!!! Ho..... Tujhse naaraaz nahee Zindagi hairaan hoon main .. ho hairaan hoon main .. Tere maasoom sawaalon se pareshaan hoon main ... Ho... pareshaan hoon main .. Jeene ke liye sochaa hi nahee... Dard sambhaalane honge .. muskuraaeN to ... muskuraane ke .. karz utaarane honge .. muskuraaoon kabhee to lagtaa hai .. jaise hothon pe ..karz rakhaa hai Tujhse naaraaz nahee zindagi hairaan hoon main ... ho.. hairaan hoon main .. Aaj agar ... bhar aayeen hain .. boonden baras jaayengi.. kal kyaa pataa inke liye .. aankhen taras jaayengi .. jaane kahaan gum huaa ... kahaan khoyaa thhaa .. ek aansoo chhupaa ke rakhaa thhaa... Ho... tujhse naaraaz nahee zindagi hairaan hoon main .. ho .. hairaan hoon main ... tere maasoom khayaalon se pareshaan hoon main ... ho... pareshaaan hoon main ... ho...... pareshaan hoon main ... Bahut hairaan hoon ... baaton hi baaton main kyaa kyaa keh daalaa ... ek gahari Thhes lagi ... magar muskuraahaton se use Dhank daalaa ... maano kuchh huaa hi nahee ho ...... Haqeeqat bayaN magar ho gayi un alfaazon main ... jo kahe naheeN .. magar sun liye gaye .... is geet ki mausiqi bayaan nahee kar saktaa ... lafzon ki geharaayi main kahee hui baat dil main utar jaaye to sangeet kaa libaas beintehaa khoobsoorat lagtaa hai .... Kavitaa yaa shaayari kaa "Rhyme" honaa maayane nahee rakhtaa agar wah chand alfaaz main gehraayi chhoo jaaye.. aur modern verse to "Rhyme" hone ki saarthaktaa ko bahut gambheertaa se chunauti detaa hai ... Dhyaan sirf kavitaa ki bandish kaa rakhaa jaataa hai ... (yaani ki number of maatraa ..) jisase use "prose" se alag kiyaa jaa sake ... isliye ... "Meraa kuchh samaan .." ek kavitaa hi kehlaayegi !!! ashish :::::::::::::::::::::::::::..................:::::::::::::::::::::::::::::::::: Dil dhoondtaa hai phir wahi fursat ke raat din .......... ^ ^ (0 0) Ashish S Bokil --ooO I Ooo-- Tel.# (512) 467-8735 (Res) 4559 Avenue A, # 201 \ / ashish@ccwf.cc.utexas.edu Austin TX 78751 - - ```````````````````````````"""""""""""""""""""'''''''''''''''''''''''''''''''''