nazar se dil me.n samaane vaale merii muhabbat tere liye hai
vafaa kii duniyaa me.n aane vaale, vafaa kii daulat tere liye hai

kha.Dii huu.N mai.n tere raaste me.n javaa.N ummiido.n ke phuul le kar
mahakatii zulfo.n, bahakatii nazaro.n kii garm jannat tere liye hai

sivaa terii aarazuu ke is dil me.n ko_ii bhii aarazuu nahii.n hai
har ek jazbaa, har ek dha.Dakan, har ek hasarat tere liye hai

mere Kayaalo.n ke naram pardo.n se jhaa.Nk kar muskuraane vaale
hazaar Kvaabo.n se jo sajii hai vo ik haqiikat tere liye hai