aa ba.nd muTThii me.n dil ko chhupaa_e baiThe hai.n
hai bahaanaa ke meha.ndii lagaa_e baiThe hai.n
meha.ndii haa.n haa.n meha.ndii ho
meha.ndii haa.n haa.n meha.ndii
TuuT ke Daalii se haatho.n pe bikhar jaatii hai meha.ndii
ye to meha.ndii hai meha.ndii to ra.ng laatii hai

log baago.n se ise to.D ke laate hai.n
aur patthar pe ise shauq se pisavaate hai.n meha.ndii
phir bhii ho.nTho.n se isake uf talak na aatii hai
ye to meha.ndii hai ...

apane ras ra.ng se is duniyaa ko sajaanaa hai
kaam meha.ndii kaa to gairo.n ke kaam aanaa hai meha.ndii
apanii khushbuu se ye saharaa_o.n ko mahakaatii hai
ye to meha.ndii hai ...