giitaayan An Interface to ISB

bachcho.n tum taqadiir ho kal ke hindustaan kii - Didi (1959)  

Lyrics: Sahir | Music: N Dutta | Singer(s): Rafi, Asha 
View in Nagari (Hindi)
ra : bachcho.n tum taqadiir ho kal ke hindustaan kii baapuu ke varadaan kii neharuu ke aramaan kii bachcho.n tum taqadiir ... aaj ke TuuTe kha.NDaharo.n par tum kal kaa desh basaa_oge jo ham logo.n se na hu_aa vo tum kar ke dikhalaa_oge ( tum nanhii.n buniyaade.n ho ) -2 duniyaa ke na_e vidhaan kii bachcho.n tum taqadiir ... aa : diin-dharam ke naam pe ko_ii biij phuuT kaa bo_e naa jo sadiyo.n ke baad milii hai vo aazaadii kho_e naa do : ( har mazahab se uu.Nchii hai ) -2 qiimat insaanii jaan kii bachcho.n tum taqadiir ... ra : phir ko_ii jayachand na ubhare phir ko_ii jaafar na uThe Gairo.n kaa dil Kush karane ko apano.n par kha.nzar na uThe do : ( dhan-daulat ke laalach me.n ) -2 tauhiin na ho iimaan kii bachcho.n tum taqadiir ... aa : naarii ko is desh ne devii kah kar daasii jaanaa hai jisako kuchh adhikaar na ho vo ghar kii raanii maanaa hai do : ( tum aisaa aadar mat lenaa ) -2 aa.D ho jo apamaan kii bachcho.n tum taqadiir ... rah na sake ab is duniyaa me.n yug saramaayaadaarii kaa tumako jha.nDaa laharaanaa hai mehanat kii saradaarii kaa ( tum chaaho to ) -2 badal ke rakh do qismat har insaan kii bachcho.n tum taqadiir ...
View the source file of the song for comments and contributor information.

comments powered by Disqus

Home - Submit a Song - Recently Posted Songs


vinay p jain. march 2013. giitaayan at gmail dot com. Disclaimer. ISB Copyright Notice.