ham qash-m-qash-e-Gam se guzar kyo.n nahii.n jaate
maranaa to ba-har-haal hai mar kyo.n nahii.n jaate
ham qash-m-qash-e-Gam ...

ye vaqt ke haatho.n me.n chamakate hu_e Ka.nzar
ik saath kaleje me.n utar kyo.n nahii.n jaate
ham qash-m-qash-e-Gam ...

bahake hu_e qadamo.n pe ye saa.Nso.n ke janaaze
aaKir kisii ma.nzil pe Thahar kyo.n nahii.n jaate
ham qash-m-qash-e-Gam ...

sochaa hii nahii.n thaa kabhii yah haal bhii hogaa
ham apanii hii tasviir se Dar kyo.n nahii.n jaate
ham qash-m-qash-e-Gam ...