saaqii saaqii
dil bujh hii gayaa hai siine me.n
kuchh lutf nahii.n ab jiine me.n
saaqii saaqii

( saaqii tere jaam wo jaam nahii.n
kyaa rakhaa hai ab piine me.n ) -2
saaqii saaqii

saaqii pahalii sii baat nahii.n
pahale din pahalii raat nahii.n
jab teraa hii wo haath nahii.n -2
kyaa rakhaa hai phir siine me.n
saaqii saaqii

ab saawan ke din biit gaye
ham haar gaye tum jiit gaye
saaqii jab chho.D ke miit gaye -2
kuchh lutf nahii.n phir jiine me.n
saaqii saaqii

dil bujh hii gayaa hai siine me.n
kuchh lutf nahii.n ab jiine me.n
saaqii saaqii