chal mere dil laharaa ke chal mausam bhii hai vaadaa bhii hai
unakii galii kaa faasalaa tho.Daa bhii hai zyaadaa bhii hai
chal mere dil ...

mai.n huu.N raahii pyaar kaa raahii merii ma.nzil pyaar kii galiyaa.N
dil me.n basii hai husn kii suurat aa.Nkho.n me.n diladaar kii galiyaa.N
chal mere dil ...

usakii chaahat usakii tamannaa ho to ho bekaar kaa sapanaa -2
ghar se nikalanaa yaar se milanaa ye to kaar-o-baar hai apanaa -2
chal mere dil ...