priit ke ba.ndhan me.n

la :	un par kaun kare jii vishvaas -2
	ki_e bha.Nvaro.n kaa bhes phire kaliyo.n ke des
	kare rasiyaa jo ghar-ghar vilaas
	un par kaun kare ...

ra :	o ye to jug-jug kii hai pyaas -2
	jise bha.Nvaraa bujhaa_e kalii-kalii paas aa_e
	kare puurii adhuurii jo aas
	ye to jug-jug kii ...

la :	ras ke lobhii chain na paa_e.N ulaTe apanii pyaas ba.Dhaa_e.N
	ik pyaalii se jo priit lagaa_e.N janam-janam kii pyaas bujhaa_e.N
	jaise dharatii aur aakaash o jaise dharatii aur aakaash
	jab dono.n mile to saarii sR^iShTi hile
	chhaa_e patajha.D me.n bhii madhumaas
	un par kaun kare ...

ra :	suuraj hai ek usakii kiraNe.n hazaar hai.n
	sarajan haaraa hai use kaN-kaN se pyaar hai
	ba.ndhan me.n priit ke kab vo laachaar hai	
	vo kamalinii ke man kaa si.ngaar hai kare ghar-ghar me.n vo prakaash -2
	usakaa hR^iday vishaal usame.n navayug kii jvaal
	nav-jiivan bharii usakii shvaa.ns
	ye to jug-jug kii ...