mujhe jab apanii guzarii zindagaanii yaad aatii hai
to bas ik meharabaa.N kii meharabaanii yaad aatii hai

ai mere dost ai mere hamadam
vo teraa Gam thaa yaa Kushii merii
har jagah tuune meraa saath diyaa
ai mere dost ...

kaun thaa tuu kahaa.N se aayaa thaa
aaj tak maine ye nahii.n jaanaa -2
tuu merii ruuh thaa magar maine
tere jaane ke baad pahachaanaa
ai mere dost ...

tuu sudaamaa bhii hai aur kanhaiyaa bhii
kanhaiyaa kanhaiyaa
tuu bhikhaarii bhii hai aur daataa bhii
tere sau ra.ng hai.n mere pyaare
tuu hii pyaasaa hai aur tuu hii jharanaa bhii
ai mere dost ...

tuu merii bebasii ke aalam me.n
jab kabhii mujhako yaad aataa hai
sochakar meharabaaniyaa.N terii
dil meraa baiTh-baiTh jaataa hai
ai mere dost ...

aaKharii arz merii tujhase hai
har Kataa merii daraguzar karanaa
vo gha.Dii aa rahii hai jab mujhako
is zamaane se hai safar karanaa
ai mere dost ...