ko_ii na jaane
ko_ii na jaane bin tere raam
kahaa.N din hoye kahaa.N shaam -2

jag me.n sabhii kaa paradesii naam
kahaa.N din hoye kahaa.N shaam -2

man me.n lagaa hai sapano.n kaa melaa -2
phir bhii hai dekho ye man akelaa
jho.Nkaa pawan kaa paanii kaa relaa
ho o o
jaane le jaaye kab kis dhaam

kahaa.N din hoye kahaa.N shaam -2

aage vipadaa kii talawaare.n -2
piichhe dukha.Do.n kii diiwaare.n
uupar kaa.NTe niiche kataare.n
ho o o
jiiwan hu_aa ye yaa sangaraam
kahaa.N din hoye kahaa.N shaam -2