su :	taaro.n kii Tha.nDii chhai.nyaa ham-tum mile
	o saiyaa.n yaad rahe o saiyaa.n yaad rahe
mu :	bhiigii-bhiigii miiThii ratiyaa.N pyaarii-pyaarii batiyaa.N
	sajanii yaad rahe o sajanii yaad rahe

su :	piihuu-piihuu bole kahii.n duur se papiiharaa jii duur se papiiharaa
	piyaa-piyaa bole moraa matavaaraa jiyaraa
	kaliyo.n pe bha.Nvaraa Dole haule-haule
	saiyaa.n yaad rahe ...

mu :	laTe.n ghu.Ngharaalii kaalii goraa-goraa ruup hai jo goraa-goraa ruup hai
	kaisaa ye jaaduu dekhaa chhaa.Nv me.n ghuup hai
	ghuu.NghaT me.n chhup ke jhaa.Nke nain tore baa.Nke
	sajanii yaad rahe ...

su :	laharo.n pe chham-chham naache cha.ndaa kii cha.ndaniyaa
	ban-Than ke aa_ii dekho raat kii dulhaniyaa
	taaro.n kii baaraat aa_ii baaje shahanaa_iyaa.N
	saiyaa.n yaad rahe ...