giitaayan An Interface to ISB

baabul kii du_aa_e.N letii jaa - Neelkamal (1968)  

Lyrics: Sahir | Music: Ravi | Singer(s): Rafi 
View in Nagari (Hindi)
baabul kii du_aa_e.N letii jaa jaa tujhako sukhii sa.nsaar mile maike kii kabhii naa yaad aa_e sasuraal me.n itanaa pyaar mile baabul kii du_aa_e.N ... naazo.n se tujhe paalaa maine kaliyo.n kii tarah phuulo.n kii tarah bachapan me.n jhulaayaa hai tujhako baa.Nho.n ne merii jhuulo.n kii tarah -2 mere baaG kii ai naazuk Daalii tujhe har pal na_ii bahaar mile baabul kii du_aa_e.N ... jis ghar se ba.Ndhe hai.n bhaag tere us ghar me.n sadaa teraa raaj rahe ho.nTho.n pe ha.Nsii kii dhuup khile maathe pe Kushii kaa taaj rahe -2 kabhii jisakii jot na ho phiikii tujhe aisaa ruup-si.ngaar mile baabul kii du_aa_e.N ... biite.n tere jiivan kii gha.Diyaa.N aaraam kii Tha.nDii chhaa.Nvo.n me.n kaa.NTaa bhii na chubhane paa_e kabhii merii laa.Dalii tere paa.Nvo.n me.n -2 us dvaar se bhii dukh duur rahe.n jis dvaar se teraa dvaar mile baabul kii du_aa_e.N ...
View the source file of the song for comments and contributor information.

comments powered by Disqus

Home - Submit a Song - Recently Posted Songs


vinay p jain. march 2013. giitaayan at gmail dot com. Disclaimer. ISB Copyright Notice.