vo zindagii jo thii ab terii panaaho.n me.n -2
chalii hai aaj bhaTakane udaas raaho.n me.n
vo zindagii jo ...

tamaam umr ke rishte gha.Dii me.n Kaaq hu_e -2
na ham hai.n dil me.n kisii ke na hai.n nigaaho.n me.n -2
vo zindagii jo ...

ye aaj jaan liyaa apanii kamanasiibii ne -2
ki beGunaahii bhii shaamil hu_ii Gunaaho.n me.n -2
vo zindagii jo ...

kisii ko apanii zaruurat na ho to kyaa kiije -2
nikal pa.De hai.n simaTane qazaa kii baa.Nho.n me.n -2
vo zindagii jo ...