jis karanii se maalik ruuThe kabhii na kar vo kaam
kabhii na le tuu kisii se badalaa teraa badalaa le.nge raam
o maaTii ke putale
itanaa na kar tuu Gumaan pal bhar kaa tuu mehamaan
o maaTii ke putale ...
tuune prabhuu ko dhan me.n Dhuu.NDhaa
kabhii na apane man me.n Dhuu.NDhaa
bhuul gayaa maayaa ke ba.nde tujh me.n base bhagavaan
o maaTii ke putale ...
maalik se kuchh chhupaa nahii.n hai kaun hai jag me.n kaisaa
maalik to hai pyaar kaa bhuukhaa log cha.Dhaa_e.N paisaa
dhan ke lobhii ye naa jaane.n kyaa maa.Nge bhagavaan
o maaTii ke putale ...
jag hai vo hii banaane vaalaa
tuu hai kaun miTaane vaalaa
chho.D de usape saarii baate.n o muurakh insaan
o maaTii ke putale ...
|