raat jaag ke nikaaluu.N tere i.ntazaar me.n
aa.Nkh chaa.Nd se lagaa luu.N tere i.ntazaar me.n

tuu aajaa tuu aajaa khule hai.n dil ke raaste
na paa sakuu.N naa kho sakuu.N mai.n phir bhii tere vaaste
diip yaad ke jalaa_uu.N tere i.ntazaar me.n
raat jaag ke nikaaluu.N ...

nazar jhuke zubaa.N ruke ho jab bhii teraa saamanaa
na kah sakuu.N na rah sakuu.N pa.Daa hai dil ko thaamanaa
chain umr bhar naa paa_uu.N tere i.ntazaar me.n
raat jaag ke nikaaluu.N ...