giitaayan An Interface to ISB

abhii to mai.n javaan huu.N - (Non-Film)  

Lyrics: Hafeez Jalandhari | Music: ??? | Singer(s): Mallika Pukhraj 
View in Nagari (Hindi)
abhii to mai.n javaan huu.N - 3 havaa bhii Kushagavaar hai, gulo.n pe bhii nikhaar hai tarannume.n hazaar hai.n, bahaar purabahaar hai kahaa.N chalaa hai saaqiyaa, (idhar to lauT idhar to aa) - 3 are, yah dekhataa hai kyaa? uThaa subuu, subuu uThaa subuu uThaa, piyaalaa bhar piyaalaa bhar ke de idhar chaman kii simt kar nazar, samaa to dekh beKabar vo kaalii-kaalii badaliyaa.N - 2, ufaq pe ho ga_ii ayaa.n vo ik hajuum-e-maikashaa.n, hai suu-e-maikadaa ravaa.n ye kyaa gumaa.n hai badagumaa.n, samajh na mujhako naatavaa.n Kayaal-e-zohd abhii kahaa.N? abhii to mai.n javaan huu.N abhii to mai.n javaan huu.N - 2 ibaadato.n kaa zikr hai, nijaat kii bhii fikr hai junuun hai sabaab kaa, Kayaal hai azaab kaa magar suno to sheK jii, ajiib shay hai.n aap bhii bhalaa shabaab-o-aashiqii, alag hue bhii hai.n kabhii hasiin jalavaarez ho, adaae.n fitanaKez ho havaae.n itr_bez ho.n, to shauq kyuu.N na tez ho? nigaarahaa-e-fitanaagar - 2, koii idhar koii udhar - 2 ubhaarate ho aish par, to kyaa kare koii bashar chalo jii qissaa muKtasar, tumhaaraa nuqtaa-e-nazar durust hai to ho magar, abhii to mai.n javaan huu.N abhii to mai.n javaan huu.N - 2 ye Gasht kohasaar kii, ye sair juu-e-vaar kii ye bulabulo.n ke chahachahe, ye gularuKo.n ke qahaqahe kisii se mel ho gayaa, to ra.nj-o-fikr kho gayaa kabhii jo vaqt so gayaa, ye ha.Ns gayaa vo ro gayaa ye ishq kii kahaaniyaa.N, ye ras bharii javaaniyaa.N udhar se maharabaaniyaa.N, idhar se lantaraaniyaa.N ye aasmaan ye zamii.n - 2, nazzaraahaa-e-dilanashii.n une hayaat aafarii.n, bhalaa mai.n chho.D duu.N yahii.n hai maut is qadar barii.n, mujhe na aaegaa yaqii.n nahii.n-nahii.n abhii nahii.n, nahii.n-nahii.n abhii nahii.n abhii to mai.n javaan huu.N - 3 na Gam kashod-o-bast kaa, bala.nd kaa na past ka na buud kaa na hast kaa na vaadaa-e-alast kaa ummiid aur yaas gum, havaas gum qayaas gum nazar se aas-paas gum, haman bajuz gilaas gum na may me.n kuchh kamii rahe, kadaa se hamadamii rahe nashist ye jamii rahe, yahii hamaa-hamii rahe vo raag chhe.D mutaribaa, taravafizaa aalamarubaa asar sadaa-e-saaz kaa, jiGar me.n aag de lagaa har ik lab pe ho sadaa, na haath rok saaqiyaa % In another version (HMV recording, where Mallika Pukhraj sings with % her daughter, Tahira Syed) the preceding two lines are replaced with % this line: % pilaae jaa pilaae jaa, pilaae jaa pilaae jaa abhii to mai.n javaan huu.N - 3
View the source file of the song for comments and contributor information.

comments powered by Disqus

Home - Submit a Song - Recently Posted Songs


vinay p jain. march 2013. giitaayan at gmail dot com. Disclaimer. ISB Copyright Notice.