duniyaa ke dukh hare hai.n tumane -2
hamaare bhii dukh haro gopaal -2
he giradhaarii, he banawaarii -2
naT-naagar-nandalaal -2

maat-pitaa tum, bandhu-sakhaa tum -2
tum hii.n sab kuchh swaamii
hamare dukh ko_ii kyaa jaane -
jaano antaryaamii -2
charan-kamal me.n tumare hamane -2
jiiwan-phuul diyaa hai Daal -2
hamaare bhii dukh haro gopaal


tum anaath ke naath prabhuu ho -2
sabake sa.ngii-saathii -2
tumarii jot me.n hamane milaa dii
apanii jiivan-baatii -2
raakho laaj hamaarii tum hii.n
he jag ke rakhawaal -2
hamaare bhii dukh haro gopaal

duniyaa ke dukh hare hai.n tumane
hamaare bhii dukh haro gopaal
haro gopaal
gopaal