ra :	saath jiye.nge saath mare.nge
	ye waadaa kyuu.N to.D diyaa
	Kud to tum chal pa.De akele
	hame.n raah me.n chho.D diyaa

	naa jaa mere saathii naa jaa -3

	aisii ek aag jagegii -2
	duniyaa shamashaan lagegii
	taare a.ngaare ho.nge
	dharatii kii ruuh jalegii
	phuul kaa ra.ng u.Degaa
	ambar kaa chaa.Nd chhupegaa
	tere bin jiivan saathii
	jiiwan kaa diip bujhegaa

	naa jaa mere saathii naa jaa -3

	aisaa tuufaan uThegaa -2
	ghan ghan baadal garajegaa
	ka.D ka.D bijalii ka.Dakegii
	saaraa sansaar jalegaa
	ye dil ab zahar piyegaa
	tere bin kaun jiyegaa
	TuuTaa jab jiiwan dhaagaa
	kaise ko_ii zaKm siyegaa

	naa jaa mere saathii naa jaa -3