bakaa-e-dil ke liye jyuu.N lahuu zuruurii hai
isii tarah mere jiiwan me.n tuu zuruurii hai

ye akl waale nahii.n ahal-e-dil samajhate hai.n
ke kyuu.N sharaab se pahale wuzuu zuruurii hai

Kudaa ko mu.Nh bhii dikhaanaa hai ek din yaaro
wafaa mile na mile justajuu zuruurii hai

kalii ummiid kii khilatii nahii.n har ik dil me.n
har ek dil me.n magar aarazuu zuruurii hai

hai ahataraam bhii laazim ke zikr hai usakaa
jigar kaa chaak bhii honaa rafuu zuruurii hai