but bane baiThe hai.n kuchh baat banaate bhii nahii.n
aur ye Gussaa ke mai.n ruuThuu.N to manaate bhii nahii.n

aage aa_iine ke baiThe hai.n jhukaaye nazare.n
choT khaate bhii nahii.n choT lagaate bhii nahii.n

kuchh wafaa kuchh hai hayaa jaan hai kis mushqil me.n
dil se jaate bhii nahii.n aa.Nkho.n me.n aate bhii nahii.n

lutf marane kaa dikhaaye.n kise furaqat me.n 'amiir'
wo nahii.n aate to ham jaan se jaate bhii nahii.n

% the following was not in the version I heard

Kuub pardaa hai ke chilaman se lage baiThe hai.n
saaf chhupate bhii nahii.n saamane aate bhii nahii.n