haadase kyaa kyaa tumhaarii beruKii se ho gaye
saarii duniyaa ke liye ham ajanabii se ho gaye

kuchh tumhaare gesu_o.n kii barahamii ne kar diye
kuchh andhere mere ghar me.n roshanii se ho gaye

gardish-e-dauraa.N zamaane kii nazar aa.Nkho.n kii nii.nd
itane dushman ek rasm-e-dostii se ho gaye

bandaa parawar khul gayaa hai aastaano.n kaa bharam
ham asiir-e-daam-e-gul apanii Kushii se ho gaye

har qadam 'saaGar' nazar aane lagii.n hai.n ma.nzile.n
marahale ai merii kuchh aawaaragii se ho gaye