Kaatir se yaa lihaaz se mai.n maan to gayaa
jhuuThii qasam se aapakaa iimaan to gayaa

dil le ke muft kahate hai.n kuchh kaam kaa nahii.n
ulTii shiqaayate.n rahii.n ehasaan to gayaa

afshaa-e-raaz-e-ishq me.n go jillate.n hu_ii.n
lekin use jataa to diyaa jaan to gayaa

hosh-o-hawaas-o-taab-o-tawaa.N 'daaG' jaa chuke
ab ham bhii jaane waale hai.n saamaan to gayaa

% the following shers were not in the version I heard

Darataa huu.N dekh kar dil-e-be_aarazuu ko mai.n
sunasaan ghar ye kyuu.N na ho mehamaan to gayaa

kyaa aa_ii raahat aa_ii jo ku.nj-e-mazaar me.n
wo walawalaa wo shauq wo aramaan to gayaa

dekhaa hai butakade me.n jo ai shekh kuchh na puuchh
iimaan kii to ye hai ki iimaan to gayaa

go naamaabar se kuchh na hu_aa par hazaar shukr
mujhako wo mere naam se pahachaan to gayaa

bazm-e-uduu me.n suurat-e-parawaanaa meraa dil
go rashq se jalaa tere qurbaan to gayaa