kahate hai.n mujhase ishq kaa afasaanaa chaahiye
rusvaa_ii ho ga_ii tumhe.n sharmaanaa chaahiye

Kuddaar itanii fitarat-e-ri.ndaanaa chaahiye
saaqii ye Kud kahe tujhe paimaanaa chaahiye

aashiq baGair husn-o-jawaanii fuzuul hai
jab shammaa jal ga_ii hai to parawaanaa chaahiye

aa.Nkho.n me.n dam rukaa hai kisii ke liye zuruur
waranaa mariiz-e-hijr ko mar jaanaa chaahiye

vaadaa thaa unake raat ke aane kaa ai 'qamar'
ab chaa.Nd chhup gayaa unhe.n aa jaanaa chaahiye