kuchh yaadagaar-e-shahar-e-sitamagar hii le chale.n
aaye hai.n is galii me.n to patthar hii le chale.n

ra.nj-e-safar kii ko_ii nishaanii to paas ho
tho.Dii sii Kaak-e-kuuchaa-e-dilabar hii le chale.n

yuu.N kis tarah kaTegaa ka.Dii dhuup kaa safar
sar par Kayaal-e-yaar kii chaadar hii le chale.n

ye kah ke chhe.Datii hai hame.n dil-giraftagii
ghabaraa rahe hai.n aap to baahar hii le chale.n

is shahar-e-be-charaaG me.n jaayegii tuu kahaa.N
aa ai shab-e-firaaq tujhe ghar hii le chale.n