tumhaare saath bhii tanhaa huu.N tum na samajhoge
mai.n apane Kaab kaa saayaa huu.N tum na samajhoge

tumhe.n ga.Nvaa ke bhulaane kii ja.ng ke haatho.n
mai.n jis azaab se guzaraa huu.N tum na samajhoge

mujhe aziiz hai haasil se ba.Dh ke laa-haasil
saraab-e-aap me.n khoyaa huu.N tum na samajhoge

tumhaare pyaar me.n jo mujhase ajanabii Thaharii
mia.n wo Kushii kii tamannaa huu.N tum na samajhoge

sahar ummiid kii lagataa huu.N par yaqii.n jaano
azaab-e-shaam-e-tamannaa huu.N tum na samajhoge