waqt kii umr kyaa ba.Dii hogii
ik tere wasl kii gha.Dii hogii

dastake.n de rahii hai palako.n par
ko_ii barasaat kii jha.Dii hogii

kyaa Kabar thii ke nok-e-Ka.njar bhii
phuul kii ek pa.nkha.Dii hogii

kyuu.N girah gesu_o.n me.n Daalii hai
jaa.N kisii phuul kii a.Dii hogii

iltajaa kaa malaal kyaa kiije
unake dar par kahii.n pa.Dii hogii

maut kahate hai.n jisako ai 'saaGar'
zi.ndagii kii ko_ii ka.Dii hogii