ye mai.n ye kuu-e-daar ye tanhaa_ii dosto
kyaa tum bhii ban ga_e ho tamaashaa_ii dosto

ye kyaa ke ek tiir-e-malaamat na sah sake
honii hai kuu-ba-kuu abhii rusvaa_ii dosto

ik baar usako merii nigaaho.n se dekh lo
phir Kud kaho ke kaun hai saudaa_ii dosto

wo husn-e-dil-faroz ke jaan-e-'faraaz' hai
Kalq-e-Kudaa hai usakii tamannaa_ii dosto

% The following was not in the version I heard
ye dil kaTaa hai yaa ki ko_ii dost kaT gayaa
kuchh to kaho ye kaisii sadaa aa_ii dosto