saa.Nchii kahe.n tore aavan se hamare
a.nganaa me.n aa_ii bahaar bhaujii 
lakshmii sii suurat mamataa kii muurat 
laakho.n me.n ek hamaar bhaujii

1) tulasii kii sevaa cha.ndaramaa kii puujaa 
kajarii jaisaa a.nganavaa me.n guu.Njaa 
ab hamane jaanaa ke phagavaa sivaa bhii - 2 
hote hai.n kitane tyohaar bhaujii, saa.Nch ...

2) ye ghar thaa bhuutan kaa Deraa 
jab se bhayaa tumharaa pag pheraa 
duniyaa badal ga_ii haalat sambhal ga_ii - 2 
an dhan ke laage bha.NDaar bhaujii, saa.Nch ...

3) bachapan se ham kaakaa kahi-kahi ke haare 
koii hame.n bhii to kaakaa pukaare 
deii de bhatiijaa phulavaa sariikhaa - 2 
maane.nge ham upakaar bhaujii, saa.Nch ...