yuu.N zi.ndagii kii raah me.n Takaraa gayaa ko_ii
ik roshanii andhero.n me.n bikharaa gayaa ko_ii

wo haadasaa wo pahalii mulaakaar kyaa kahe.n
kitanii ajab thii suurat-e-haalaat kyaa kahuu.N
wo qahar wo Gazab wo jafaa mujhako yaad hai
wo usakii beruKii kii adaa mujhako yaad hai
miTataa nahii.n hai zahan se yuu.N chhaa gayaa ko_ii

pahale wo mujhako dekh kar baraham sii ho ga_ii
phir apane hii hasiin Kayaalo.n me.n kho ga_ii
bechaaragii pe merii use raham aa gayaa
shaayad mere ta.Dapane kaa andaaz bhaa gayaa
saa.Nso.n se bhii qariib mere aa gayaa ko_ii

ab us dil-e-tabaah kii haalat na puuchhiye
benaam aarazuu_o.n kii lazzat na puuchhiye
ik ajanabii thaa ruuh kaa aramaan ban gayaa
ik haadasaa thaa pyaar kaa unawaan ban gayaa
manzil kaa raastaa mujhe dikhalaa gayaa ko_ii