aa.Nkho.n kaa taaraa praaNo.n se pyaaraa 
jug jug jiye meraa laal re 
merii umariyaa mil jaaye tujhako 
jiita rahe sau saal re 
aa.Nkho.n kaa taaraa praaNo.n se pyaaraa   ...

pahale baras meraa nanhaa saa raajaa
kuu.N kuu.N muu.N muu.N bole
duuje baras bole roTii ko loTii
maiyyaa kaa dil Dole re 
maa.Nge khilaune gaa.Dii gho.De
jabake lage tiijaa saal re
aa.Nkho.n kaa taaraa praaNo.n se pyaaraa   ...

chauthe baras khele gillii DaNDaa
paise maa.N se maa.Nge re
naTakhaT raajaa maa.N ko sataaye
maa.N piichhe vo aage re 
ho~ o~ o~ o~
paaThashaalaa baabuu banakar
jaaye meraa laal re 
aa.Nkho.n kaa taaraa praaNo.n se pyaaraa   ...

khushiyo.n kii kiraNe.n phailaaye jag me.n
puunam kaa cha.ndaa hamaaraa re
bole baabul laa de dulhaniyaa
beTaa javaahar hamaaraa re 
o merii maiyyaa laal dushaalaa
beTaa chalaa sasuraal re 
aa.Nkho.n kaa taaraa praaNo.n se pyaaraa   ...