chupake chupake raat din aa.Nsuu bahaanaa yaad hai
ham ko ab tak aashiqii kaa vo zamaanaa yaad hai

khii.nch lenaa vo meraa pad.re kaa konaa baf-a-tan
aur dupaTTe me.n vo teraa mu.Nh chhupaanaa yaad hai

berukhii ke saath sunanaa dad.r-e-dil kii daasataa.N
vo kalaa_ii me.n teraa ka.ngan ghumaanaa yaad hai

vaqt-e-rukhsat alavidaa kaa lafz kahane ke liye
vo tere suukhe labo.n kaa thar-tharaanaa yaad hai

chorii chorii ham se tum aakar mile the jis jagah
muddate.n guzarii.n par ab tak vo Thikaanaa yaad hai

dopahar kii dhuup me.n mere bulaane ke liye
vo chhajje par teraa na.nge paa.Nv aanaa yaad hai

tujhase milate hii vo bebaaq ho jaanaa meraa 
aur teraa daa.Nto.n me.n vo u.ngalii dabaanaa yaad hai 

tujh ko jab ta.nhaa kabhii paanaa to az_raahe-lihaaz 
haal-e-dil baato.n hii baato.n me.n jataanaa yaad hai 

aa gayaa agar vasl kii shab bhii kahin ziqr-e-firaq
vo teraa ro ro ke bhii mujhako rulaanaa yaad hai