nadiyaa kinaare pe hamaraa bagaan
hamare bagaano.n me.n jhuume aasamaan, ho

darpan saa chamake re titasaa kaa panii
mukh dekhe paanii me.n bhor suhaanii, ho
shiv jii ke ma.ndir me.n jaage bhagavaan
hamare bagaano.n me.n jhuume aasamaan, ho

pa.nchii ho ko_ii to pi.njaraa banaa_uu.N
ba.ndii ho ko_ii to mai.n paharaa bichhaa_uu.N, ho
bas me.n na aa_e re man be_iimaan
hamare bagaano.n me.n jhuume aasamaan, ho

kisii jaaduugar ne cha.ndaa suuraj banaa_e.
ek nikaale baahar ek chhupaa_e, ho
khel hai jaaduu saa saaraa jahaan
hamare bagaano.n me.n jhuume aasamaan, ho