((aadamii zi.ndagii aur ye aatmaa) -2
Dhuu.N.Dhate hai.n sabhii tujhako paramaatmaa
(ye milan jo karaa_e vo vishvaatmaa , vishvaatmaa)  -2) -2

(aaj ke din mai.n aakaash se gir pa.Daa
pahale chhoTaa-saa thaa ho gayaa ab ba.Daa) -2
vaqt rahataa nahii.n ik jagah pe kha.Daa
chalataa rahataa hai ye umr kaa qaafilaa
aadamii zindagii aur ye aatmaa ...

(ek ghar me.n bhii har ek se hai alag
dekhate hai.n alag sochate hai.n alag) -2
ham alag kyo.n na ho ham bane hai.n alag
pyaar ne kar diyaa par hame.n ek saa
aadamii zi.ndagii aur ye aatmaa ...