merii zindagii hai zaalim, tere Gam se aashakaaraa 
teraa Gam hai dar-haqiiqat mujhe zindagii se pyaaraa 

tuu agar buraa na maane to jahaan-e-ra.ng-o-buu me.n 
mai.n sukuun-e-dil kii Kaatir koii Dhuu.N.Dh luu.N sahaaraa

mai.n bataauu.N farq naaseh, jo hai mujh me.n aur tujh me.n 
merii zindagii talaatum, terii zindagii kinaaraa

koii ai 'shakiil' dekhe, ye junuu.N nahii.n to kyaa hai 
ki usii ke ho gaye ham jo na ho sakaa hamaaraa