jab chhaa_e kabhii saawan kii ghaTaa
ro ro ke na karanaa yaad mujhe
ai jaan-e-tamannaa Gam teraa
kar de na kahii.n barabaad mujhe
jab chhaa_e kabhii saawan kii ghaTaa
(jo mast bahaare.n aa_ii thii.n
vo ruuTh ga_ii.n us gulashan se) -2
jis gulashan me.n do din ke li_e
qismat ne kiyaa aabaad mujhe
jab chhaa_e kabhii saawan kii ghaTaa
(vo raahii huu.N pal bhar ke li_e
jo zulf ke saa_e me.n Thaharaa)/-2
ab leke chalii hai duur kahii.n
ai ishq terii bedaad mujhe
jab chhaa_e kabhii saawan kii ghaTaa
(ai yaad-e-sanam ab lauT bhii jaa
kyo.n aa ga_ii tuu samajhaane ko) -2
mujhako ye meraa Gam kaafii hai
tuu aur na kar naashaad mujhe
jab chhaa_e kabhii saawan kii ghaTaa
ro ro ke na karanaa yaad mujhe
ai jaan-e-tamannaa Gam teraa
kar de na kahii.n barabaad mujhe
jab chhaa_e kabhii saawan kii ghaTaa
|