terii duniyaa me.n har nekii kaa badalaa kyo.n buraa_ii hai
are o aasamaa.N waale ye kyaa duniyaa banaa_ii hai
duniyaa tasaviir hai rote hue inasaano.n kii
ek bastii hai ye uja.De hue aramaano.n kii
tere bando.n ko yahaa.N Thokare.n khaate dekhaa
raah me.n terii inhe.n jaan se jaate dekhaa
Kaak har simt yahaa.N u.Datii hai parawaano.n kii
aa zamii.n par terii duniyaa mai.n dikhaa_uu.N tujhako
terii tasaviir dikhaakar mai.n rulaa_uu.N tujhako
dekh inasaano.n pe bedaad ye inasaano.n kii
|