dil pe jab terii inaayat kii kamii rahatii hai
zi.ndagii dard ke saa.Nche me.n Dhalii rahatii hai

mere daaman me.n to ashko.n ke siwaa kuchh bhii nahii.n
chaa.Nd taaro.n se terii maa.Ng bharii rahatii hai

aalam-e-yaas me.n Duubaa ye bahaaro.n kaa samaa
gard sii phuul ke chehare pe jamii rahatii hai

tere baKshe hue har daaG-e-muhabbat ki qasam
a.njuman dil kii sitaaro.n se sajii rahatii hai