kahaa.N hai tuu, tuu kahaa.N hai
aa jaa ai mere sapano.n ke raajaa

pyaasii hiranii ban-ban dhaa_e
ko_ii shikaarii aa_e re
chorii-chorii pha.ndaa Daale
baa.Nh paka.D le jaa_e re

na_ii-na_ii kalii khilii chun le na ko_ii
aisii vaisii baate.n dil kii sun le na ko_ii
nanhaa saa jiyaa moraa jaane kyaa gaa_e re
chorii-chorii pha.ndaa Daale ...

chalate-chalate ruk jaa_uu.N mai.n chal nahii.n paa_uu.N
pal-pal dha.Dake tan me.n agni kaise bujhaa_uu.N
lagii naa bujhe kahii.n jii ko jalaa_e re
chorii-chorii pha.ndaa Daale ...

ik to mai.n huu.N bholii-bhaalii duuje akelii
kaise buujhii jaa_e mose man kii pahelii
chalii hai havaa na_ii jiyaa ghabaraa_e re
chorii-chorii pha.ndaa Daale ...