tuufaan mel
duniyaa ye duniyaa, tuufaan mel

isake pahiye zor se chalate
aur apanaa rastaa tay karate
sayaane is se kaam nikaale.n
bachche samajhe khel
tuufaan mel   ...

koii kahaa.N kaa TikaT kaaTataa
ek hai aataa ek hai jaataa
sabhii musaafir bichha.D jaaye.nge
pal bhar kaa hai mel
tuufaan mel   ...

jo jitanii puu.Njii hai rakhataa
usii mutaabiq safar vo karataa
jiivan kaa hai bhed bataatii
GYaanii ko ye rel
tuufaan mel   ...