merii duniyaa luT rahii thii aur mai.n khaamosh thaa
Tuka.De Tuka.De dil ke chunataa kis ko itanaa hosh thaa

aa.Nkh me.n aa.Nsuu na the aur jal rahaa thaa dil jigar
ro rahii thii hasarate.n chup-chaap thaa mai.n bekhabar
kaise aataa hosh me.n jo pahale hii behosh thaa
Tuka.De Tuka.De dil ke chunataa ...

karavaa.N dil kaa luTaa baiThaa huu.N ma.nzil ke qariib
mai.n ne khud kashtii Dubo dii jaake saahil ke qariib
ye zamii.n chup-chaap thii aur aasamaa.N khaamosh thaa
Tuka.De Tuka.De dil ke chunataa ...