giitaayan An Interface to ISB

vo jo milate the kabhii ham se diivaano.n kii tarah - Akeli Mat Jaiyo (1963)  

Lyrics: Majrooh | Music: Madan Mohan | Singer(s): Lata 
View in Nagari (Hindi)
vo jo milate the kabhii ham se diivaano.n kii tarah aaj yuu.N mialte hai.n jaise kabhii pahachaan na thii dekhate bhii hai.n to yuu.N merii nigaaho.n me.n kabhii ajanabii jaise milaa karate hai.n raaho.n me.n kabhii is qadar unakii nazar ham se to a.njaan na thii vo jo milate the kabhii ... ek din thaa kabhii yuu.N bhii jo machal jaate the khelate the merii zulfo.n se bahal jaate the vo pareshaa.N the merii zulf pareshaan na thii vo jo milate the kabhii ... vo muhabbat vo sharaarat mujhe yaad aatii hai dil me.n ik pyaar kaa tuufaan uThaa jaatii thii thii magar aisii to ulajhan me.n merii jaan na thii vo jo milate the kabhii ...
View the source file of the song for comments and contributor information.

comments powered by Disqus

Home - Submit a Song - Recently Posted Songs


vinay p jain. march 2013. giitaayan at gmail dot com. Disclaimer. ISB Copyright Notice.