zamaanaa kyaa kahegaa tum agar ham ko bhulaa doge
hamaare pyaar kii duniyaa banaakar yuu.N miTaa doge

nahii.n kuchh Gam hame.n is kaa kahe duniyaa jo diivaanaa
hamaarii bebasii ko haay tum ne bhii nahii.n jaanaa
hamaaraa haal kyaa hogaa jo tum bhii muskuraa doge
hamaare pyaar kii duniyaa banaakar yuu.N miTaa doge ...

vo dariyaa kaa kinaaraa vo suhaanii chaa.Ndanii raate.n
jahaa.N ham tum kiyaa karate the chhupakar pyaar kii baate.n
na sochaa thaa kabhii ham ne ke tum ye sab bhulaa doge
hamaare pyaar kii duniyaa banaakar yuu.N miTaa doge ...