giitaayan An Interface to ISB

ham ne dekhii hai in aa.Nkho.n kii mahakatii khushabuu - Khamoshi (1969)  

Lyrics: Gulzar | Music: Hemant Kumar | Singer(s): Lata 
View in Nagari (Hindi)
ham ne dekhii hai in aa.Nkho.n kii mahakatii khushabuu haath se chhuuke ise rishto.n kaa ilzaam na do sirf ehasaas hai ye ruuh se mahasuus karo pyaar ko pyaar hii rahane do koii naam na do ham ne dekhii hai ... pyaar koii bol nahii.n, pyaar aavaaz nahii.n ek khaamoshii hai sunatii hai kahaa karatii hai naa ye bujhatii hai naa rukatii hai naa Thaharii hai kahii.n nuur kii buu.Nd hai sadiyo.n se bahaa karatii hai sirf ehasaas hai ye, ruuh se mahasuus karo pyaar ko pyaar hii rahane do, koii naam naa do ham ne dekhii hai ... muskaraahaT sii khilii rahatii hai aa.Nkho.n me.n kahii.n aur palako.n pe ujaale se chhupe rahate hai.n ho.nTh kuchh kahate nahii.n, kaa.Npate ho.nTho.n pe magar kitane khaamosh se afasaane ruke rahate hai.n sirf ehasaas hai ye, ruuh se mahasuus karo pyaar ko pyaar hii rahane do, koii naam naa do ham ne dekhii hai ...
View the source file of the song for comments and contributor information.

comments powered by Disqus

Home - Submit a Song - Recently Posted Songs


vinay p jain. march 2013. giitaayan at gmail dot com. Disclaimer. ISB Copyright Notice.