is bharii duniyaa me.n, koii bhii hamaaraa na huaa
gair to gair hai.n, apano.n kaa sahaaraa na huaa

log ro-ro ke bhii is duniyaa me.n jii lete hai.n
ek ham hai.n kii ha.nse bhii to guzaaraa na huaa

ik muhabbat ke sivaa aur na kuchh maa.Ngaa thaa
kyaa kare.n ye bhii zamaane ko ga.nvaaraa na huaa

aasamaan jitane sitaare hai.n terii mahafil me.n
apanii taqadiir kaa hii koii sitaaraa na huaa