giitaayan An Interface to ISB

kar chale, ham fidaa, jaan\-o\-tan saathiyo.n - Haqeeqat (1964)  

Lyrics: Kaifi Azmi | Music: Madan Mohan | Singer(s): Rafi 
View in Nagari (Hindi)
(kar chale ham fidaa jaan-o-tan saathiyo.n ab tumhaare havaale vatan saathiyo.n ) - (2) saa.Ns thamatii ga_ii nabz jamatii ga_ii phir bhii ba.Dhate kadam ko na rukane diyaa kaT gaye sar hamaare to kuchh Gam nahii.n sar himaalay kaa hamane na jhukane diyaa marate marate rahaa baa.Nkaapan saathiyo.n, ab tumhaare ... zi.ndaa rahane ke mausam bahut hai.n magar jaan dene kii rut roz aatii nahii.n husn aur ishq dono.n ko rusavaa kare vo javaanii jo khuu.N me.n nahaatii nahii.n baa.Ndh lo apane sar par kafan saathiyo.n, ab tumhaare ... raah qurbaaniyo.n kii na viiraan ho tum sajaate hii rahanaa naye qaafile fatah kaa jashn is jashn ke baad hai zi.ndagii maut se mil rahii hai gale aaj dharatii banii hai dulhan saathiyo.n, ab tumhaare ... khii.nch do apane khuu.N se zamii.n par lakiir is taraf aane paaye na raavaN koii to.D do haath agar haath uThane lage chhuune paaye na siitaa kaa daaman koii raam bhii tum tumhii.n lakshmaN saathiyo.n, ab tumhaare ...
View the source file of the song for comments and contributor information.

comments powered by Disqus

Home - Submit a Song - Recently Posted Songs


vinay p jain. march 2013. giitaayan at gmail dot com. Disclaimer. ISB Copyright Notice.