ajii o gokul ke gwaale
hamaro man haranewaale, tum jitane ho naTakhaT chhaliyaa
ham utane bhole bhaale
ajii o gokul ke gwaale ...

sakhiyo.n se karo barajorii
maakhan kii karo tum chorii
kyaa ba.nsii zaraa saraahii
ban baithe bansiiwaale
ajii o gokul ke gwaale ...

kis baat pe itaraate ho
kyo.n yuu.n hii akaD jaate ho
ham tum se kahii.n gore hai.n
jii ham se kahii.n tum ho kaale
aji o gokul ke gwaale ...

raadhaa ko rulaayaa hogaa
jii usakaa jalaayaa hogaa
aa baiThe.n hai.n jo a.nkhiyo.n me.n
yah sahame hue dil ke chhaale
ajii o gokul ke gwaale ...