suukhii bagiyaa harii hu_ii
ab suukhii bagiyaa harii hu_ii
ghan shyaam badariyaa chhaa_ii re
shyaam badariyaa chhaa_ii

Daal Daal nav pallav jhuule
biitii baato.n ko man bhuule
jiivan kii ritii nadiyaa me.n
na_ii tara.ng laharaa_ii re
    shyaam badariyaa chhaa_ii   ...

na_ii lahariyo.n me.n bahataa jal
na_ii na_ii rut, naye phuul phal
naye gulo.n ke gaalo.n par
nanhii.n shabanam musakaa_ii re
    shyaam badariyaa chhaa_ii   ...