talat:
Tim Tim Tim taaro.n ke diip jale,
niile aakaash tale ham dono.n kii priit pale
Tim Tim Tim

lataa:
Tim Tim Tim taaro.n ke diip jale,
niile aakaash tale ham dono.n kii priit pale
Tim Tim Tim

aa .a aa .a

talat:
jhilamilaatii hai.n shabanam kii parachhaa_iyaa.N
duur pariyaa.N bajaatii hai.n shahanaa_iyaa.N
lataa:
chaa.Nd kirano.n kii jaalii pahan jhuumataa
chaa.Ndanii le rahii dekho a.Nga.Daa_iyaa.N
Tim Tim Tim ...

lataa:
aaj kaliyo.n ke man me.n nayaa giit hai
aaj laharo.n me.n jaaduu kaa sa.ngiit hai
talat:
guu.Njatii har dishaa me.n nayii raaginii
aaj man hai magan jhuumatii priit hai
Tim Tim Tim ...

lataa:
Tim Tim Tim ...