ruuThake hamase kahii.n jab chale jaaoge tum
ye naa sochaa thaa kabhii itane yaad aaoge tum

mai.n to naa chalaa thaa do kadam bhii tum bin
phir bhii meraa bachapan yahii samajhaa har din
(chho.Dakar mujhe bhalaa ab kahaa.n jaaoge tum) 2
ye naa sochaa thaa ...

baato.n kabhii haatho.n se bhii maaraa hai tumhe.n
sadaa yahii kahake hii pukaaraa hai tumhe.n
(kyaa kar loge meraa jo biga.D jaaoge tum) 2
ye naa sochaa thaa ...

dekho mere aa.nsuu yahii karate hai pukaar
ho aao chale aao mere bhaa_ii mere yaar
(po.nchhane aa.nsuu mere kyaa nahii.n aaoge tum) 2
ye naa sochaa thaa ...