piine kii ham ko aadat dukh me.n bhalii lagii hai
Gam dil ko khaa rahaa hai mai gam ko khaa rahii hai

itane to  garm  aa.Nsuu hote  nahii.n  kisii ke
kyaa buu.Nd Kuun-e-dil kii aa.Nkho.n se bah rahii hai

khilane ke din se pahale ha.Nsne ke din se pahale
ai dil ki suukh jaa_e kahane ko vo kalii hai

aaTho.n pahar vo ha.Nste din-raat ham ta.Dapate
ik vo bhii zindagii hai ik ye bhii zindagii hai